जिन्दगीको दर्शन

जेष्ठ ४, २०८०  लक्ष्मण श्रेष्ठ

24Shares

 

जानेलाई जान देऊ, रोक्न हुँदैन !

नसकिने जिम्मेवारी, बोक्न हुँदैन !

उसको पो बुद्धि छैन,तिम्रो त छ नि,

कुकुर को खुट्टा हेर! टोक्न हुँदैन !

नसोच है तिम्रो कुरा, बुझ्छन् सबैले,

जथाभावी मन–परी, खोक्न हुँदैन !

रटाई को ज्ञान भन्दा, जाति बुझेको,

हानि हो त्यो आफैलाई, घोक्न हुँदैन !

अमुल्य छ जिन्दगी यो, फेरी पाईन्न,

बाजी यसै त्यो ज्यानको, ठोक्न हुँदैन !

अलकत्रै निल्नु हुन्न, सित्तै भए नि,

आँखा चिम्ली पा’को जति, धोक्न हुँदैन !

आमा बिना संसार को, छैन औचित्य,

मुल्य माया ममताको, तोक्न हुँदैन !

Original Link: 
https://edupatra.com/news/vision-of-life/